Vakaurua (Ibe ni Nairai)
Na Ibe Vakaurua na iYau ni vanua o Nairai. Na itukutuku ni kena tali – e kau ga mai Bau, ni tali oti ga ena kau tale i Bau. E kena matanikatuba ga o Bau. Era dau solevaka na marama ni Nairai na kena dau tali na Vakaurua. Ena tavi mai na voivoi qai mai saqa, saqa vakasigani qai walui na voivoi, walui qai cibini; walui vinaka qai ori na kena ‘ilawa’.
E kilai tani na “ibe Vakaurua” na kena tali vakamatailalai:
• Na “VamuaiRewa – e yasaitolu, ka tali vakamatailalai;
• Na “vaNairai” – e tali vakamatailalai, ka tali yasaitolu, duidui mai na VamuaiRewa;
• Na “Lagalatu/Vadonusala” – dau tali ni sa tali oti na VamuaiRewa ke ina vaNairai;
• Na “Cakaugutugutu” – dua tale na italitali vakamatailalai ni ‘vakaurua’;
• “Muanitavaga” – na tutuniibe gatagata; • Ke gatagata na tutunii be, e donu na kena tali, ke mucu e cala na kena tali;
• “vaKubuniwaqa – na tali veilutuyaki ni batiniibe;
Na Kula: E rua ga na kena kula na damudamu kei na loaloa.
