Tali Lawaniqoli - Buinigone
Na Vuku iTaukei se na kilaka vakavanua era a vakayagataka na tukada, na buda sa tikini ni nodra bula, era colata mera doka ka ra vakamenemeneya kina na nodra turaga kei na nodra vanua. Sa isosomi ni Kalou vei ira na nodra dinata na veika qo, eda na sega nida sivia rawa na ivakarau ni rawaka, na sautu kei na vuavuai vinaka ni bula era donumaka mai na tukada. Sega ni ra vuli ena veikoronivuli, era doka tiko na nodra bula vakavanua, ena veisolisoli ni Vuku se kilaka vanua era taukena era bulataka, era cibitaka tale ga kina na nodra dui turaga. Qori na veika e qaravi e nakoro o Dakuibeqa, Sawau, Beqa, na nodrai itikotiko na Vunisalevu na Tui Sawau. E bula e Dakuibeqa e rua na isolisoli vakavanua, dua na Vilavilairevo, na kena ikarua na qoliyavirau, e vakayagataki kina na lawaniqoli tali ena wa vau, ratou vakatoka na Gonedau me Buinigone, na nodra Buinigone na gone Turaga na Tui Sawau.
